Naghihinala ka ba na baka ikaw ay isa nang alcoholic? Hinahanap-hanap na ba ng katawan mo ang pag-inom ng alak? Lasing ka ba halos araw-araw? Ang labis na pagkonsumo ng alcohol ba ay nakakaapekto na sa iyong mga trabaho, relasyon at pang-araw-araw na pamumuhay? Apektado na ba ng paglalasing mo ang mga taong nakapaligid sa iyo? Ang pag-amin na ikaw nga ay may problema sa alcohol at ang pagsasabi na kailangan mo ang tulong ay nangangailangan ng lubusang lakas ng loob, Ngunit kung magagawa mo ito, nasa unang hakbang ka na ng pagbabago. Kung nasubukan mo nang huminto at hindi ka nagtagumpay, subukan mo ulit. Huwag kang panghinaan ng loob. Maaaring hindi lamang sapat ang iyong kaalaman tungkol sa mga paraan o hindi lamang tugma sa iyong sitwasyon at condition ang iyong ginamit na programa o kilos upang lubusang mapaglabanan ang iyong addiction. Marami pang pagkakataon ang narito at magagamit upang maihinto ang bisyo. Dapat lamang ang matibay at tamang pamamaraan upang makaalis sa pagiging alcoholic. Huwag na huwag kang susuko, ‘ika nga sa awitin.
Ang unang hakbang na maaaring gawin na makatitiyak kung ang iyong programang inia-apply sa iyong sarili ay ang pag-amin na hindi mo kayang makaalis ditto kung ikaw lamang at wala tulong na manggagaling sa iba. Maraming tulong at assistance na maaaring matanggap kung bukas lamang ang iyong isip na humingi nito sa mga taong higit ang kaalaman tungkol sa alcoholism kaysa sa iyo. Kung ang addiction na kinasasadlakan mo sa kasalukuyan ay malala na at lagi mo nang hinahanap ang alak kahit alam mong nakakasira ito sa buhay mo at sa buhay ng iba pang tao sa paligid mo, kinakailangan mo munang magtanggal ng mga lason na kemikal sa iyong katawan. Detoxification ang tawag dito at ang layunin nito ay tanggalin at linisin ang iyong sistema sa mga masasamang epekto ng alak sa iyong pisikal na pangangatawan. Ang gawaing ito ay isang medikal na pamamaraan upang malinis ng husto ang iyong sistema mula sa pagkakahaling sa alcohol at upang maiwasan o mabawasan ang mga withdrawal symptoms na maaaring maganap.
Hindi natatapos ang iyong paggaling o recovery sa pamamagitan lamang ng paglilinis ng katawan sa mga masasamang chemical. Kung ang iyong kapaligiran ay nagiging impluwensya sa iyo na uminom pagkatapos na ikaw ay sumailalim sa detoxification, maaaring kailangan mo pa ring pumasok sa isang rehabilitation center o hospital upang ituloy ang mga gamutan. Pagkatapos ng pagtatanggal ng masasamang elemento sa katawan, papayuhan ka ng mga espesyalista ng mga makapagpapalakas sa iyong personalidad at emosyon na maaaring nawala sa iyong malimit na pag-abuso ng alcohol. Sa pamamagitan ng ganitong gawain, mapanunumbalik ang iyong control o pagpipigil upang labanan ang mga impluwensiya ng kapaligiran na ikaw ay magsimula uling uminom at bumalik sa bisyong nakagawian.
Pakatapos nito, malalaman na ng mga doctor kung maaari ka nang lumabas upang harapin ang mundo. Maaaring ituloy ang mga programa sa pamamagitan ng pagsasakatuparan ng mga paraan sa labas ng rehabilitation center. Ang mga procedures ay maaaring magawa sa bahay na lamang kasabay ng pagsasailalim sa mga counseling kasama ang iba pang miyembro ng pamilya. Maipaparating sa iyo sa pamamagitan ng mga pagpupulong kung ano ang iyong mga pagbabago at kung ano pa ang maaaring gawin upang mapanatili na hindi umaabuso ng alak.
Maraming kaakibat na dahilan kung bakit nalululong sa alcohol ang isang tao. Ang prinsipyo na ang alak o anumang nakakalasing na inumin ay nakapagpapalimot o nakapagtatanggal ng mga suliranin sa buhay ay isang mabigat na dahilan kung bakit maraming tao ang nalululong dito. Ang kaisipang ito ay hindi totoo at lalo lamang madaragdagan ang sakit ng ulo at bilbil sa tiyan. Hanggang hindi mo naitutuwid ang ganitong prinsipyo sa iyong kabuuan, hindi ka magkakaroon ng control sa iyong buhay at paulit-ulit mong aabusuhin ang alak na magiging dahilan ng iyong maraming problema sa hinahaarap.
Ang mga pressure sa trabaho o sa mga gawain ay maaari ring maging dahilan upang balikan ang nakasanayan at mga bisyo. Sa unang panahon ng paghinto sa pag-inom, huwag hayaang makapasok ang mga stress at pressures sa kahit na anong uri ng pagkakataon upang hindi maging daan sa anumang panunumbalik ng kagustuhang malasing o uminom ang alak. Iwasan ang mga kaibigan at kakilala na umiinom pa upang hindi rin maimpluwensiyahan ng mga ganitong gawain. Laging isipin ang mga magagandang plano at ang pagpapanatili na hindi umiinom.
Sa iyong paggaling, maaari naming maging hadlang ang mga taong hindi nakauunawa sa iyong kalagayan. Ang ibang mga miyembro ng pamilya halimbawa, ay kadalasang tumitingin sa iyong nakaraan at hindi maunawaan ang iyong pagbabago sapagkat hindi nila lubusang naiintindihan ang mga bagay na tungkol sa alcoholism. May mga tulong din na maibibigay ang isang rehabilitation center kung ang mga pagsasa-edukasyon ng mga miyembro ng pamilya ang pag-uusapan. Maikikintal sa kanilang mga puso at damdamin ang iyong totoong kalagayan at mga tunay na nararamdaman sa pamamagitan ng mga open discussion na may ekspertong nakapagitna upang isaayos ang mga pag-uusap.
Sa Isang Bahagi ng Gamutan
Huwag mong isipin na ang iyong paggaling mula sa isang nakaririmarim na sakit na tulad ng alcoholism ay bunga ng gawain ng ibang tao. Ang epektibong pag-alis sa alcohol addiction at ang matibay na kalakasan upang mapanatili ito hanggang wakas ay manggagaling pa rin sa iyong sarili. Ang desisyon mo na tumigil sa pag-abuso sa alak at ang iyong pagpipilit na malagpasan ang iyong mga problema na wala ang alak ay siyang makapagbibigay sa iyo ng matibay na dahilan upang makaalis sa mga bisyo.
Hindi lahat ng nalulong sa alcohol ay nangangailangan ng gamutan at medikal na tulong. Ang ibang mga tao na nanganganing malulong sa alak ay may control pa rin sa kanilang mga pagkatao at hindi kailangan na magkaroon ng mahabang programa para sa kanilang addiction.
Ngunit isang magandang paraan upang lalong mapaigting ang pagpapasya na tumigil na sa pag-inom ng alcohol ay ang palagiang pagbisita sa isang doctor upang malaman ang mga bagay na tungkol sa iyong kondisyon. Magkakaroon ng maraming ideya para lubusang maiwasan at malagpasan ang mga withdrawal symptoms na maaaring maranasan sa madalian at biglaang paghinto. Makatutulong din ang mga espesyalista na magkaroon ng mga emergency plans at mga medical procedures upang lalong gumaling sa alcoholism.